புது பொலிவு – தீபாவளி

success_Arun_Vekataswamy_8184568429

தமிழில் இயங்கும் எனது நண்பர்களை மேலும் சிறப்பாக இயங்க இந்த தீபாவளி அன்று அனைவருக்கும் தீபாவளி வாழ்த்துக்கள்!

Posted in Uncategorized | Leave a comment

யாரை குத்துவது

சமீபத்திதில் மனைவியும்  நானும் ஒரு நாட்டிய அரங்கேற்றல் விழாவிற்குச் சென்றிருந்தோம். விழா என்னமோ நல்லாதான் நடந்தது. சிறுமி வயதுக்கும், அனுபவத்துக்கும் மேலே அழகாகக் குருஜீ சொல்லிக்கொடுத்தபடி ஆடினாள். அதன்பின் ஏன் யாரை குத்துவத்து என்று அகங்காரமாகத் தலைப்பிட்டு கட்டுரை? மேலும் வாசியுங்கள். நீங்களே முடிவு செய்யுங்கள், என் மேல் கருணை வருமோ என்னவோ!

மாணவி நடனம் புரியும் முன்னே,  இந்தக் குருஜீ – கலைமாமணி – குழுவில் இருந்து ஒருவர் அறிவிப்பார் – இந்த நடனம் அமைந்துள்ள இந்தக் காட்சி/காவியம் (திரௌபதி அவமதிப்பு போல), இந்த ராகம் (ஹம்சத்வனி), தாளம் (ஆதி) என்று சொல்லிவிட்டு, தேர்ச்சிபெற்ற மாணவி இந்த நடனத்தை லேசாகப் பார்வையும் காட்டுவாள். பின்பு இஸ்ருதி பாடலுடன், தளத்துடன், சிறுமி நடனம் ஆடினாள். இதையே ஐந்து முறை பல பரத விஷயங்களை சிறப்பித்து காட்டிய படி நிகழ்ச்சி அமைப்பு.

கிட்ட திட்ட நிகழ்ச்சியின் கடைசி நடனத்திற்குச் சென்று விட்டோம். நடனத்தை அறிமுகப்படுத்தும் உயர்நிலை பள்ளி மாணவி ஆங்கிலத்தில் நடனத்தின் கதாபாத்திரத்தை பற்றியும், சூழலையும் விவரித்தாள்; ஆனால் ராகம் என்பதை “ஆனந்த குத்துக் காலம்” என்றும் ஆதி தாளம் என்றும் அறிவித்தாள். நிகழ்ச்சி நன்றே முடிவுற்றது. கரகோஷம். சிலர் என்னிடம் கூட என்னமா குத்து என்றெல்லாம் ரசனை கூறினார்.

ஆனந்தக்குதூகலம் முடியும் வரை காத்து, இந்தப் அறிவிப்பு பெண்ணிடம் நான் அவளது தமிழ் பிழையைச் சுட்டி காட்டினேன். இந்தப் பாட்டு, ராகம், பரதம், பற்றி எதுவும் தெரியாவிட்டாலும் தமிழ் உச்சரிப்பு என்பது ரோமானிய தமிழில் எழுதினால் மிக எளிதாகச் சிதைவடைகிறது.

எனக்கும் தமிழ் ரோமானிய எழுத்தில் “umlaut”, “clef”, “accent-marks” என்று எதுவுமே குறியீடு இல்லாமல் எழுதிக்கொடுத்தவர்களைக் குத்தலாமா என்று தோன்றியது. குதூகலம் குழாயடி குத்தாக மாறிவிட நேரம் வந்தாச்சில்லையோ என்றெல்லாம் வருந்த நேரமும் இல்லை.

 

விரிகுடா, காலிஃபோர்னியா-வில்,

முத்து

Posted in 2016, Cultural, Uncategorized | Tagged , , | 1 Comment

அறிவியல் நோக்கில் கணினி நிரலாக்கம்

இதழ்: அறிவியல் ஒளி; தேதி : அக்டோபர் 2, 2016

ஆசிரியர் : முனைவர். முத்து அண்ணாமலை, எழில் மொழி அறக்கட்டளை

அறிவியல் நோக்கில் கணினி நிரலாக்கம்

நீங்கள் உபயோவிக்கும் கணினியில் படம் பார்ப்பதில் இருந்து, ஆவணங்களை (இந்த கட்டுரையை போல) படிப்பதும் எழுதுவதும் ஆகட்டும், முகநூல் (facebook), கூகிள் (Google) தேடல் பொறி, வாட்சப் (whatsapp) தகவல் செயலி போன்றவற்றை கணினி வழியாக பயன் செய்திருப்பீர்கள். ஆனால் சற்று இந்த கணினியும் நாம் விசைபலகையில் தட்டினால் எப்படி இவ்வளவு காரியங்களையும் சாதிக்கிறது என்று யோசித்தது உண்டா ? இப்போது இந்த கணினி நாடகத்தின் திரைக்கு பின்னரே என்ன நடக்கிறது என்றும் பார்க்கலாம்.

எங்கும் கணினி, எதிலும் கணினி என்ற இந்த காலத்தில் கணினி எந்திரம் செயல்பாடுகள், இணையம் சேவை போன்றவற்றின் செயல்பாட்டை ஒரு அறிவியல் நோக்கின் படி புரிதல் முக்கியமானது. இந்த பாதையில் இளம் வாசகர்களை பயணிக்க தூண்டுகோல் போல இந்த கட்டுரை அமையும் என்று எதிர்ப்பார்க்கிறேன்.

கணினி என்பது பல அவதாரங்களில் நம்மிடையே இன்று பயன்பாட்டில் உள்ளது. சொல்லப்போனால் மடி கணினி (laptop), திறன்பேசி (smart phone), கைபேசி (mobile phone), மேசை கணினி (desktop) என்றெல்லாம் சில வடிவங்களில் சொல்லலாம். ஆனால் இவை அனைத்தும் ஒரே ஒரு அடிப்படை அறிவியல் கொள்கையினால் உருவானது. சற்று சிந்தித்து பாருங்கள் எல்லா எண்ணிம மின்சார கருவிகளும் (digital electronic gadgets) இந்த மாதிரி ஒரே மூல காரணத்தினால் இயங்குகிறது.

கணினியின் அடிப்படை செயல்பாடு

சரி. அப்ப இந்த எண்ணிம கருவிகளின் அடிப்படையான இரும ஏரணம் (binary logic) என்ற தர்க கணிதவியல் பற்றியும், இந்த இரு நிலை தர்க செயல்பாட்டை அமல்படுத்துவது திரைதடயம் (semiconductor transistor). இன்னும் எளிமையாக சொல்ல போனால் (தமிழ் விக்கிப்பீடியாவில் இருந்து)கணினியை இயக்கும் நுண்கருவிகளில் மின்னோட்டம் நடக்கும்நடக்காது என இரட்டை நிலை (உண்டுஇல்லை) இயக்கமாகிய தொடுக்கியாகவும் (சுவிட்சு, switch) பயன்படுகின்றது.”

சும்மா சொல்ல போனால் கணினி என்பது செயல்படுவதற்கு மின்சாரத்தில் இயங்கும் மையகனிணி (CPU) தேவை. இந்த மையகனிணி கணிதம், தர்க்க கோட்பாடுகள் (மற்றும் {AND}, அல்லது {OR}, எதிர்மரை {NOT}) போன்றவற்றை கணிக்கவும், மற்றும் இரு நிலை – ‘0’ அல்லது ‘1’ என்பதையும் நினைவில் கொள்ள நினைவகம் (memory) என்ற இரு செயல்களையும் புரிய உருவாக்கப்பட்ட வன்பொருள். இது போன்ற சிபியுகளை semiconductor transistor வழியாக உருவாக்கலாம். (CPU தயாரிப்பாளர்கள் Intel, AMD, ARM, Qualcomm போன்றவர்களை விளம்பரம் மூலம் நீங்கள் சந்தித்திருக்க வாய்ப்பு உள்ளது.)

எண்ணிம நுட்பம் மற்றும் தர்க கணிதவியல் வரலாறு

 `georgeboole

[படம்: ஜார்ஜ் பூல்: பூலியன் கணிமை கண்டுபித்த ஆங்கிலேயர்]

இந்த இருநிலை தர்க கணிமையை உருவாக்கியவர்களில் முக்கியமானவர்கள் இருவர். இரவர்கள் வாழ்க்கையில் சமகாலத்தவர்களாக இல்லாவிட்டாலும் செயலில் ஒரே போல சிந்தனை கொண்டவர்கள்.

இவர்கள், கணித மேதை பூலியன் அல்ஜிப்ரா படைத்த ஆங்கிலர் ஜார்ஜ் பூல் (1815-1864), மற்றும் தகவல்தொழில்நுட்பம் துரையின் தந்தை இருநிலை தர்க்க கணிதத்தை தொலைபேசி வலையமைப்பில் ஞானித்த அமெரிக்க மின்னணுவியல் பொறியாளர் கிலாடு ஷான்னன் (1916-2001) அவர்களை பற்றியும் நீங்கள் வீட்டு படமாக மேலும் படித்து தெரிந்து கொள்ள வேண்டும். இதற்கு தமிழ் விக்கீபீடியவை பயன்படுத்தலாமே (http://ta.wikipedia.org)!

 shannon

[படம்: கிலாடு ஷான்னன்: தொலைபேசி வலையமைப்பில் பூலியன் கோட்பாடுகளை செயல்படுத்திய அமெரிக்க பொறியாளர்]

தர்க வகை கணிதம் மட்டும் போதுமா ?

இதானால் நம்முடைய கணினியை பொறுத்த மட்டில் இது செயல்படுவது எண்ணிம தர்க வகை கணிதம் (digital logic) மற்றும் சிலிக்கான் திண்மத்தால் உருவாக்கிய திரைதடயம் (semiconductor transistor).

இது அடிப்படை மட்டும் தான் அல்லவா, இதனை கொண்டு எப்படி மேல் கூறிய தேடல் பொறி, சமூக வலைத்தளம் போன்றவை உருவாக்கினார்கள் ? நல்ல கேள்வி மேலும் படியுங்கள்.

எஞ்சிய துண்டு நிரலாக்கம்

சிலிக்கான் திண்மத்தால் ஆக்கிய CPU ஒன்றை கட்டுப்படுத்தி பிரயோஜனமான செயல்களை செய்ய இந்த எந்திரத்தை கணினி நிரலாக்கம் என்ற கூர்வேலை கொண்டு தாக்க வேண்டும்.

நிரலாக்கம் (software programming, coding) என்பது ஒரு புலியன்கொம்பு ஒன்றும் இல்லை ஒரு நிறுவனத்தில் மேற்பார்வையாளர் ஒரு வேலையாள் கிட்ட எப்படி வேலை வாங்குவார் என்பது போலவே, நாமும் கணினியிடம் வேலை வாங்குவதற்கு கணினி நிரல் எழுதிய பின்னரே, என்று புரிந்துகொள்ளலாம். அதாவது மேற்பார்வையாளர் “புள்ளி நடுவே கொடு போடவும்” என்று சொன்னால் மட்டுமே இந்த வேலையை செய்வார் அந்த தொழிலாளி இது போலவே கணினியிடம் “எண்கள் இரண்டையும் நினைவில் இருந்து கூட்டி, பின்னர் திரையில் வெளியீடு”
என்று சொல்வதற்கு கணினி நிரல் மூலமே முடியும்
.

என்னவோ குழந்தை தட்டு தடுமாறி, படி மேல் கால்வைத்து, எழுந்து நடந்து, ஓடிய கதை மாதிரி இருக்குதல்லவா ? இது கேள்வி கூறினால் உங்கள் சிந்தனை சரியான திசையில் நோக்கி செல்கிறது என்று சந்தோஷ படுங்கள்.

நிரலாக்கம் (programming) அப்படினா என்ன ?

கணினி செய்யும் ஓவ்வொரு செயலிலும் அதற்கு போதித்து நாம் நிரல் மூலம் சொல்ல வேண்டி இருக்கிறது இதையே நிரலாக்கம் (programming) என்றும், இதனை செய்பவள் நிரலாளர் (programmer) என்றும் அழைக்கிறோம். இவ்வாறு தர்க ரீதியாக, கணிதம் ரீதியாக, செயல்முறை (algorithm) விதிகளையும் கோட்பாடுகளையும் கொண்டு ஒரு கணினியை செயல்படுத்தும் வேலை தற்போது படு கிராக்கியாக உள்ளது எல்லோரும் அறிந்த உண்மை. ஆனால் இதனையும் தாண்டி இந்த துறையில் என்னமோ ஒரு சிறப்பு அம்சம் உள்ளது என்பதையும் இதந்த அறிவியல் துறை மிக இளமையானது என்பதையும் இன்றைய மாணவர்கள் மனதில் கொள்ளவேண்டும்.

கணிமையின் கோட்பாடு கட்டமைப்பு அலன் டூரிங்

அலன் டூரிங் (1912-1954) என்ற கணிதவியல் மேதை, தனது தர்க ஆராய்ச்சிகளில் கணிமையின் அடிப்படை கோட்பாடுளை 1936 ஆண்டில் “on computable numbers with an application to the entscheidungsproblem,என்ற தலைப்பில் ஒரு மாபெரும் ஆய்வு கட்டுரையை வெளியிட்டார். இதில் எப்படி ஒரு சூத்திரம் அல்லது செயல்முறை இருந்தாலும் அவற்றில் சில கோட்பாடுகளை எந்திரத்தாலும் கூட கணிக்கவே முடியாது என்றும் நிரூபித்தார். இந்த ஆய்வில் அவர் சிந்தனையில் உருவாக்கிய கருவியே பின்னாளில் “டூரிங் எந்திரம்” (Turing machine) என்றும் பெயர் பெற்று தற்கால கணினி கட்டமைப்பிலும் ஏறத்தாழ 80 ஆண்டுகளாக இன்றுவரையும் நமக்கு கலங்கரை விளக்காக அமைந்துள்ளது.

turing1 turing2

[படம் : அலன் டூரிங் (1912-1954) – கணிமையின் பிதாமகன், தற்கால கணினியின் விஸ்வரூபத்தை முதலில் கண்டுபிடித்தும், இதற்க்கு கணிதவியல் கோட்பாடுகளில் அடிப்படை அஸ்திவாரத்தை அமைத்ததும் இவரே. இவர் கலோனிய இந்தியாவில் பிறந்த ஆங்கிலேயர்]

கணினி நிரலாக்கம்

சரி இந்த மிக பெரிய அறிவியல் சிந்தனையாளர்களை பற்றி எல்லாம் கற்றுக்கொண்டதும் நல்லது, ஆனால் நீங்கள் இதனை கொண்டு எப்படி நிரலாக்கம் கற்று கொள்ள முடியும் ? பல கணினி மொழிகள் உண்டு; கத்துக்குட்டி சிறுவர்களும் BASIC, LOGO போன்ற எளிய மொழிகளை கற்று கொள்ளலாம். இவை ஆங்கிலம் அல்லாமல் இன்று பல மொழிகளில் உள்ளன தமிழிலும் கூட இன்று ஒன்றிற்கும் மேற்பட்ட கணினி மொழிகள் உண்டு.

தமிழில் கணினி நிரலாக்கம் செய்யும் வழி “எழில்” என்றும் ஒரு நிரலாக்க மொழி உள்ளது இதனை http://ezhillang.org என்ற வலை தளத்தில் இருந்து பயன்படுத்தி பார்க்கலாம். இதே தளத்தில் கணிமை நிரலாக்கம் பற்றி கற்று கொள்ளவும் ஒரு புத்தகம், “தமிழில் நிரல் எழுது” என்ற பெயரில், உள்ளது (இது இலவசமாக கிடைக்கும்). எழில் மொழி உங்களை போன்ற சிறுவர்கள் உங்களுக்கு முதன்முறையாக நிரல்கள் எழுத உதவும். ஆங்கிலம் அறியாதவர்கள் கணிப்பொறியை இயக்க உதவும். கீழே ஒரு வினா விடை விளையாட்டை எழில் மொழியில் எப்படி கணினியுடன் விளையாடுவது என்றும் பார்க்கலாம்,

பதிப்பி======== சரியான விடையை தேர்ந்தெடுக்கவும் ========”

பதிப்பி இந்தியாவின் தலைநகரம் எது?”
பதிப்பி அ ⇒ சென்னை
பதிப்பி ஆ⇒ மதுரை
பதிப்பி இ ⇒ டெல்லி
பதிப்பி ஈ ⇒.மும்பை

சரியானவிடை = “
உங்கள்விடை
= உள்ளீடு(“உங்களுடைய பதில் என்ன? “)

@(சரியானவிடை == உங்கள்விடை) ஆனால்
பதிப்பி வாழ்த்துகள். உங்களுக்கு 10 மதிப்பெண்கள்!”
இல்லை
பதிப்பி தவறான விடை. மீண்டும் முயற்சி செய்யுங்கள்!”
முடி

[குறிப்பு : வினா விடை விளையாட்டை இயக்கும் வண்ணம் அமைந்த “எழில்” கணினி மொழி நிரல்]

இந்த நிரலை இயக்கினால் ‘இ’ என்றும் பயனர் விடையளித்தால் வாழ்த்து கிடைக்கும், அல்லது உதை (சும்மா விளையாட்டுங்க) – இல்லை இல்லை திரும்ப விளையாடும் வாய்ப்பும் பயனருக்கு கிடைக்கும் வண்ணம் இந்த நிரல் உருவாக்கபட்டது.

cover

[படம்: எழில் மொழி பயில்வதற்கு உபயோகமாகும் “தமிழில் நிரல் எழுது எழில் நிரலாக்க மொழி,” புத்தகம். இதை http://ezhillang.org இல் இருந்து பெறலாம்]

 example

[படம் (வலது): பெர்னோல்லி எண்களின் சூத்திரம்; இதனை நிரலாகவும் மாற்றலாம்.]

adalovelace

[படம் (இடது): இலண்டன் பூங்காவில் அரசி அடா லவ்லேஸ்இன் சிற்பம்]

சாதனை நிரலாளர்கள்

கணிமையில் பல அறிவு ஜீவி நிரலாளர்கள் உள்ளனர் இவர்களின் குறிப்பிடதக்கவர்களில் ஒருவர் அரசி அடா லவ்லேஸ் என்ற ஒரு பெண். இவர் கணினி தற்கால உருவம் எடுக்கும் முன்னரே, சார்லஸ் பாபேஜ் உடைய கணினி அமைப்பில் பெர்னோல்லி எண்களை கணிக்கும் வகையில் முதல் முதலில் ஒரு நிரலை எழுதினர் என்பது சரித்திரம் படைத்த வரலாறு. இதனை எழில் மொழியில் கணிக்க இவ்வாறு நிரல் எழுதலாம்,

# பெர்னொல்லீ எண்களை கணக்கிடு
நிரல்பாகம் பெர்னொல்லீ_எண் ( m, n )
@( m == 0 )
ஆனால்
# பெர்னொல்லீ_எண்( 0, n ) = 1
பின்கொடு 1.0
இல்லை
பெர்னொல்லீ
= 0.0
மொத்தம்
= 0.0
எண்கள்
= range(0,m)
@(எண்கள் இல் இவ்வெண்) ஒவ்வொன்றாக
மொத்தம்
= மொத்தம் + binomial_coeff(m,இவ்வெண்)*பெர்னொல்லீ_எண்(இவ்வெண்,n)/(m – இவ்வெண் + 1.0) #பதிப்பி இவ்வெண், மொத்தம்
முடி
பெர்னொல்லீ
= n^(m*1.0) – மொத்தம்
பின்கொடு பெர்னொல்லீ
முடி
முடி

[குறிப்பு : பெர்னோல்லி எண்களை கணக்கிடும் வண்ணம் அமைந்த “எழில்” கணினி மொழி நிரல்]

அறிவுரை

நீங்கள் ஒரு சிறுவராக இந்த மாதிரி இயற்பியல் (சிலிக்கான் திண்மம் கொண்ட டிரான்சிஸ்டர் உருவாக்குவதும்), கணிமை, கணிதவியல், தர்க எண்ணிமம் என்று ஏதேனும் ஒரு துரையில் தேர்ச்சி பெற்றும், பிற்காலத்தில் இந்த சான்றோர் போலவே மானுட உலகில் வாழ்க்கை மேம்பட சாதனையாளராக வரலாம். சிறிய அளவில் உங்களுக்கும் உங்கள் படிப்புக்கும், வேலை வாய்ப்பிற்கும், அறிவியல் ஆர்வத்திற்கும் பல புதிர்களையும், சவால்களையும் அளிக்கும் ஆற்றலும், ஆழமும் கொண்டது கணினி அறிவியல்.

உங்களுக்காக செயற்கை நுண்ணறிவும் (A.I), எந்திரன் போன்ற ரோபோக்கள் (Robots), தானியங்கி கார்கள் (self-driving cars) போன்ற பல சவால்கள் காத்திருக்கின்றன. நீங்கள் இவற்றை மேற்கொள்ள கணினியியல், மற்றும் நிரலாக்கம், ஒரு நல்ல படிக்கல்லாக அமையும் என்று உங்களுக்கு அறிவுறுத்துகிறேன்.

முனைவர். திரு. முத்து அண்ணாமலை,

விரிகுடா பகுதி.

கலிஃபோர்னியா. ஐக்கிய அமெரிக்க

(தொடர்பு மின்அஞ்சல்: ezhillang@gmail.com)

குறிப்பு: படங்கள் ஒப்புகைகள் விக்கிபீடியா, கிரேட்டிவ் காமன்ஸ் பொது உரிமை நோக்கில் சேர்க்கப்பட்டன.

Posted in 2016, Computing, Cultural, Ezhil Language | Leave a comment

Open-Tamil and Ezhil updates (2016)

Today we are releasing updates to two packages maintained by Ezhil Language Foundation;

  1. open-tamil v0.65
    • open-tamil package contains minor bug fixes and solid performance on Python 2 and Python 3.
    • pip install –upgrade open-tamil
  2. ezhil-v0.82
    • Fix some issues for Python 3 installation from the previous release
    • pip install –upgrade ezhil

Both these packages maybe downloaded from PyPi (Python Package Index) via ‘pip’ command.

Thanks very much to the original contributors, bug reporters, and Tamil open-source software (TOSS) enthusiasts.

 

Posted in 2016, Development, Ezhil Language, Open-Tamil, Python3 Python2, Software Development, Uncategorized | Tagged , , , , | Leave a comment

தகவல் தொழில்நுட்பம் துறையில் தகவல் பாதுகாப்பு – (data privacy on Internet today)

தகவல் தொழில்நுட்பம் துறையில் தகவல் பாதுகாப்பு

இணையத்தில் உங்களது தகவலை பாதுகாப்பது

ஆசிரியர் : முத்து அண்ணாமலை

இடம் : பாஸ்டன் (மே, 19, 2016)

முகநூல் கணக்கு தொடங்க உங்கள் முழு பெயர், ஊரு, விலாசம், போன்ற உங்களுக்கு சொந்தமான, உங்களை அடையாளம் காணக்கூடிய விவரங்களை ஒரு வெளி நிறுவனத்துடன் பகிர்ந்தால் மட்டுமே நீங்கள் இந்த சமூக வலைதளத்தில் பங்கு பெரலாம். கூகிள், ட்விட்டர், இன்ஸ்டாகிராம், வாட்சப் போன்ற மற்ற தளங்களிலும் அவரது செயலியை உபயோகிக்க ஏதேனும் உங்களை தனிப்பட்ட வகையில் அடையாளம் காட்டும் தகவல்களை பகிர்ந்தாலே ஒளிய நீங்கள் இவற்றை செயல்படுத்தலாம். சரி, “சுரக்காய்க்கு உப்பில்லயாம் பாவக்காய்க்கு பருப்பில்லயாம்,” என்பது போல இதேல்லாம் என்ன புதுசு என்று நீங்கள் கேட்கலாம் ? மேலும் படியுங்கள், சொல்கிறேன். இணையம் என்பது இன்றளவில் தனி நபர் ஆர்வத்தை, கவனத்தை துண்டு துண்டாக பார்சலிட்டு விளம்பரங்களுக்கு ஏலம் விட படுகின்றன என்று சொன்னால் அது மிகை ஆகாது.

முதலில் நாம் ஏன் தகவல் பாதுகாப்பிற்கு முக்கியத்துவம் கொடுக்கவேண்டும் ? இதனை இப்படியே விட்டால் நிலைமை இன்னும் மோசமாகுமா? இதனை பற்றி என்ன செய்யலாம் ? எந்த கோணங்களை ஆலோசனை செய்து பார்க்கலாம்.

சமிபத்தில் ஆப்பில் நிறுவனத்தை FBI நீதிமன்றத்தில் (Apple vs FBI) வழக்கு ஒன்றை தொடர்ந்தது. காரணம் அமெரிக்காவில் ஊடுருவிய தீவிரவாதிகள் தாக்குதலில் உயிர் சேதத்தின் காரணமாகவும், உள்நாட்டின் பாதுகாப்பின் காரணமாகவும் அவர்களது iPhone திரன்பேசி (Smart Phone) FBI விசாரணை மூலம் அவர்கள் ஆலோசனை செய்யமுடியவில்லை. இதற்கு ஆப்பில் நிறுவனத்தின் உதவி தேவை பட்டது. ஆனால், எங்கு FBI நிறுவனத்தின் தேவைகளை பூர்த்தி செய்ய குறுக்கு வழி மென்பொருள் தயாரிப்பதில் (ஆப்பில் உடைய) தங்களது வாடிக்கையாளர் தகவல் பாதுகாப்பை கோட்டை விட்டு விடுவோமோ என்ற பயத்திலும் பொருளாதார நோக்கிலும் FBI தொடர்ந்த வழக்கினை நீதி மன்றத்தில் சந்திக்க தயாரானது. FBI கடைசியாக ஆப்பில் உடைய உதவி இன்றி வெளி அமைப்புகள் உடன் “முதல் நாள் பலவீனம்” (zero day hack) என்ற முறையில் இந்த விசாரணைக்கு தேவைப்பட்ட iPhone உள்ளே செல்ல முடிந்தது.

ஆகையால் தகவல் பாதுகாப்பு என்பது பொது வெளியிலும் சரி, நமது தனி வாழ்விலும் சரி, ஒரு முக்கிய பகுதியை பூர்த்தி செய்கிறது. நிறுவனங்களும், அரசும் இந்த தகவல் பாதுகாப்பை அணுகியும், பாதுகாப்பை அத்து மீறியும் அவர்கள் தேவைக்கு இணங்க செயல் படுகின்றன.

சென்ற ஆண்டு (2015) இந்தியாவில் BSNL நிறுவனம் பகிரங்கமாக இரண்டு டசன் வலை தளங்களை அணுக முடியாத வாறு தடை செய்தது. இந்த பட்டியலில் github.com போன்ற சமூக திறவூற்று மென்பொருள் தளங்களும், இவற்றை போன்றவையும் ஆபாச பரப்பும் தளங்களுண்டன் சேர்த்து ஒர குட்டையில் தடை செய்யப்பட்டது. இது தகவல் பாதுகாப்பின் மீரல் என்று பலர் குரலெழுப்பி, பின்னர் BSNL நிறுவனம் இவற்றை DNS-தடையில் இருந்து விடுவித்தது.

இவர்களுக்கு, அதாவது வீட்டில் இணைப்பை தரும் BSNL, Reliance போன்ற தொலைதொடர்பு நிறுவனகளுக்கு, எப்படி இந்த தடா உரிமை? இவர்களுக்கு உங்கள் இணைய போக்குவரத்தை பற்றி எப்படி அறியலாம் ? இதை தகவல் பாதுகாப்புடன் உங்கள நடவடிக்கைகளை சற்று மறைமுகமாக செயல்படுத்தலாம ? அணைத்திருக்கும் ஆம் என்ற பதிலை கூரலாம்; சற்று இணையத்தின் கருவுற்ற வரலாறை அணுகினால் விடைகள் எளிமையாக புரியலாம்.

இணையம் 1960-ஆம் பாத்தாண்டில் DARPA நிறுவனம் ARPANET என்ற ஒரு பரிசோதனை ஆறாய்சியை தொடர்ந்த விளைவுகள் தான் இன்று இணையம் எனவும், CERN நிறுவனத்தின் 1990-இல் உருவாகிய WWW – உலாவும் வலை தளங்கள் என்று அமைந்துள்ளது [மேற்கோள்]. முக்கியமாக ARPANET-இன் பங்களிப்பு இரண்டு வேறுபட்ட கணிபொறிகள் ஒரு பொதுவான வலை தொடர்பு (1960 களில் இது தொலைபேசி வலை என்றே இருந்தது) மூலம் எப்படி தகவல்களை பரிமாற்றம் செய்துகொள்ளலாம் என்ற கடினாமான ஒரு கேள்விக்கு, TCP/IP தொழில்நுட்பத்தை உருவாக்கி விடையளித்து. WWW என்ற உருவாக்கம் 1990-களில் இந்த அடித்தளத்தை கொண்டு இணையத்தை சுலபமாக பயன்படுத்தும் வகையில் அமைந்தது.

சென்ற பத்தியில் ஏதேனும் நினைவில் கொள்ளவேண்டும் என்றால், இணையம் என்பதன் அடிப்படை 1960-இல் இருந்து இன்று வரை ஏறக்குறைய ஒரே அடிப்படையில் இயங்கி வருகிறது என்று தோராயமாக சொல்லலாம்.

இணையம் என்பது தனி ஒரு இடத்தில் இல்லை; இது இந்திய எல்லை கோட்டை கனியாகுமரி கடற்கரையில் தேடுவது போல மணலும் கடலும் சேர்ந்து ஒரு தொடர்ச்சியாக உள்ளது எல்லை கோடு, ஆனால் அது முற்றிலும் ஒரு மனதில் உருவாக்கிய யோசனை, பூமியில் எல்லை கோடுகள் கிடையாது. சுமார் அதே போல இணையம் செயல்படுவதற்கு உலகில் உள்ள அணைத்து கணினிகளும் ஒரு தொலைபேசி நிலையம் (telephone exchange) போன்ற DNS, IP-router வழிகாட்டி சேவைகளின் மூலம் உலகமெங்கும் கருத்து பரிமாற்றம் செய்து கொள்ளும் வகையில் வடிவமைகப்பட்டது.

இந்த வகையில் அமைந்துள்ள இணையத்தை ஒரு தபால் பெட்டி, அஞ்சல் சேவை போலவே உள்ளது என்றும் உணரலாம். ஒரே வேற்றுமை தபால் 3-4 நாட்கள் ஆகும் பொய் சென்றடைய, ஆனால் உங்களது இணையம் வழி உலாவுதல் optical-fiber cable மூலம் சில நொடிகளில் கண்டங்களையும் தாண்டும். இது பல தொழில் நுட்பங்களால், பல தலைமுறைகளால் ஆன சாத்தியம்.

இந்த ஒப்புமையுடன் நீங்கள் இன்றைய தகவலின் பாதுகப்பின்மையை கண்டால், இன்றைய எண்ணிம உலகில் நம்பிக்கை இழக்கும் வகையில் உள்ள பரிமாற்றங்கள் நேற்றைய தபால்தந்திதொலைபேசி வலையில் தொலைந்த தபால், திருடிய தபால், தொலைபேசியில் ஒட்டு கேட்பது என்ற தீய விளைவுகளுடன் சமம் என்பதெல்லாம் தோன்றும்.

சரி; இவ்வளுவுக்கும் மேல எப்படி இந்த பஜாரில் காசையும் பொருளையும் தொலைக்காமல் நாம் தொழில் செய்வது ? இதற்குதான் பல காப்பு கட்டவேண்டும்:

Amazon அல்லது Flipkart என்றும் இணையத்தில் நீங்கள் பொருள் வாங்குவதற்கு அல்லது எங்கேயும் இணையத்தில் கணக்கு விவரங்களை கொடுபதற்க்கும் முன்பே ‘https’ நெறிமுறை வழியாகவே செயல்படவும்; அல்லது ஒரு பஜாரில் நீங்கள் உங்களது இரகசியங்களை கூறி பேரம் பேசும் நிலையில் சென்றுவிடுவீ ர்கள்.

விடியோ காணும் தளங்களிலும் செல்லும்போது உங்கள் வலை உலாவியில் ஒரு “Ad-Block” நீட்சியை செர்துகொள்ளவேண்டும். இதன் மூலம் உங்களுக்கு தேவையில்லாத, உங்கள் இணைய தடங்களை வெளிச்சமிட்டு (உங்கள் விருபதிருக்கு மாறாக) தொடரும் “Cookie” அடையாள அட்டைகளை கொள்வதை நீங்கள் தவிற்கலாம்.

மேலும் கூடுதல் பாதுகப்பிர்க்கு நீங்கள் “crytography” என்ற இரகசிய படுத்தும் செயலிகளை பயன்படுத்தலாம்; இவற்றில் மின் அஞ்சலை சிலர் கண்களுக்கும் மட்டும் படும் வகையிலும் அனுப்பியும் படிக்கவும் செய்வது “PGP” என்ற திறன் கொண்ட அஞ்சல் செயலிகள்.

உங்கள் இணைய தடங்களை பாதுகாப்பாக வைத்து கொள்ள ஒரு தனிப்பட்ட செயலி “Tor” என்பதையும் நீங்கள் கொண்டு செயல்படலாம். இது உங்கள் இடம் என்பதை உலாவும் வலைதளத்திற்கு மறைமுகமாக்கும். அதாவது “principle of parsimony,” என்பது தமிழ் வாய்மொழி (ஆடுகிற மாட்டை ஆடி கரைக்கவும், பாடுற மட்டை … ) போல வேண்டியதை மட்டும் கொடுத்தல் மட்டும் போதும் என்றளவில் செயல்படுத்தி இந்த Tor வலை செயலி உங்கள் எண்ணிம தகவலை பாதுகாக்கும்.

சமிபத்தில் Whatsapp செயலி வழி அனுப்பும் அனைத்து தகவல்களும் இரகசியமக்கபட்டவை என்றே பரிமாறபடுகிறது. இது வாட்சப் நிருவந்திர்க்கும் அரசிற்கும் போருப்பகமையை கொடுக்கிறது; அதே சமயத்தில் வடிக்கயாளர்களுக்கு தகவல் பாதுகாப்பையும் கொடுகிறது.

தகவல் பாதுகாப்பு என்பது எழுதிய மை காய்வதற்கும் முன்பே எழுது பழதடைந்து விடும் வகையில் முன்னேறும் துறை. இதில் நாம் பார்க்கவேண்டிய தலைப்புகளும், எடுக்கேவேண்டிய பாதுகப்புகளும் ஏராளம். அனால் APPLE நிறுவனம் உங்கள் iPhone தகவல்களை FBI போன்ற அரசாங்கமிடமும் ஒரு அதிகரமின்றி தகவல் பாதுகாப்பை விட்டு கொடுக்காமல் போராடியது. நமது இந்திய பொது நிறுவனம் BSNL வாசகர் செல்லும் வலை தளங்களை “tracking” பதிவு செய்து துப்பரிகிறது, தடை செய்கிறது.

இந்த வகை அரசாலும், தனி நபராலும் அத்து மீறல்கள் இணைய உலைகளில் நம் தகவல் பாதுகாப்பிற்கு கேடு உருவாகும் நிலை உள்ளது. இதனை நாம் விழிப்புணர்ச்சி உடைய சமுதாயமாக அரசிற்கும், தொழில்நுட்பம் வெளியிடும் நிறுவங்களுக்கும் இலக்காக வைக்கலாம். இதனால் நமது தகவல் கொள்ளும் சுதந்திரம் இன்று வீடு, பொருள், சொத்து என்றவற்றிக்கு அளிக்கப்படும் பாதுகாப்பை நாம் தகவல் தொலைதொடர்பிலும் பெற ஒரு வாய்ப்பு உண்டு.

ஆகையால் தகவல் பாதுகாப்பு என்பது பொது வெளியிலும் சரி, நமது தனி வாழ்விலும் சரி, ஒரு முக்கிய பகுதியை பூர்த்தி செய்கிறது. நிறுவனங்களும், அரசும் இந்த தகவல் பாதுகாப்பை தன்னகப்படுத்தி கொள்கின்றன. உங்களது தகவல் உங்களது சொத்து அதனை நீங்கள் வேண்டுமென்றால் மட்டுமே பகிர்ந்து கொள்ளலாம், இரகசியமாகவும் வைத்து கொள்ளலாம் நாளடைவில் இந்த வாய்ப்பு உங்கள் கையில் இருக்க வேண்டும். தகவல் பாதுகாப்பை பற்றி படியுங்கள், இதனை பற்றி புரிதல், செயல்படுதல் வேண்டும்.

Posted in 2016, இணையம், Cultural, Uncategorized | Tagged , , , , , | Leave a comment

சொல்புதிர் : ‘மோகம்’ -> ‘காதல்’ ஆகலாமா ?

k_balachander

சாதனை படைத்த புரட்சிகர தமிழ் இயக்குனர், காலைமாமணி – கே. பி

“காதல் என்ன பகடைக்காயா ?” என்று மறைந்த தழிழ் இயக்குனர்  கே.பி ஒரு “கவிதாலயா” நாடகத்தில் refrain (பல்லவி?) ஆகா கேட்டார். இதற்க்கு விடை என்னவோ ஒரு வலைப்பதிவில் ஒரு கணினி வல்லுநர் சொல்லமுடியுமா என்பதற்கு மட்டுமே எனக்கு விடை தெரியும்.

தமிழ் சொல்வளம் சார்ந்த விளையாட்டுகள் என்பன ஒரு “மூளைக்கு வேலை” என்ற விளையாட்டு கோணத்தில் தமிழ் கற்பித்தலை மேற்கொள்ளலாம். இதை பற்றி சொல்வனம் கட்டுரையில் விரிவாக எழுதினேன்.

இப்போது ‘மோகம்’ என்பதை ‘காதல்’ என்று ஓரெழுத்து ஒவ்வொரு முரை மாற்றி சொல்லை மற்ற எய்யாலுமா என்று எனது இட்விட்டெர் கீச்சில் கேட்டான். இது ஒரு சங்கிலி சொல் “word chain” சொல் விளையாட்டு.

இதனை கணினியில் ஒரு தமிழ் அகராதி கொண்டு எளிமையாக செயல்படுத்தலாம்; ஆங்கிலத்தில் WSJ, NYT போன்ற நாளிதழ்கள் தினமும் ஒரு பக்கம் அளவில் சராசரியாக பார்க்கலாம்.

எனக்கு தெரிந்தளவில் ஓரெழுத்து நேர் மாற்றத்தில் ‘மோகம்’ -> ‘காதல்’ ஆகா மாற வாய்பில்லை; கூடவே எழுத்துக்கள் சேர்த்தும், விளக்கியும் ஓரெழுத்து அளவில் மாற்றத்தில் இது கெடுபடும் என்று தோன்றுகிறது.

மோகம் -> மோதல் -> காதல் என்று மாற்றலாம். இப்போது மோகம் என்பதை மோதல் என்று எப்படி மாற்றுவது ? சரி. மோகம் என்பதை முகம் என மாற்றலாம். அடுத்து முகம் என்பதை முதல் எனவும், பின்பு காதல் எனவும் மாற்றலாம்.

  1. மோகம்
  2. முகம்
  3. முதம்
  4. முதல்
  5. காதல்

அடடே! மோகம் சொல்லளவில் காதல் ஆகுமோ என்னவோ. யாருக்கு தெரியும் காதல் பகடைகாய  என்று, நல்ல மானுஷன் போயுடாரே சொல்லாமல்!

சொல் தேடல் புதிர் பற்றி ஏற்கனவே சொல்லியிருந்தேன் – இந்த படம் (உலக தலைவர்கள்) போல.

world_leaders

உலக தலைவர்கள் சொல் தேடல்

இன்னூம் பல சொல்வளம் மிக்க விளையாட்டுகளாக உருவாக்கலாம் – நீங்களும் பங்காளியுங்கள்.

-முத்து

சான் ஒசே, விரிகூட பகுதி (BayArea), கலிஃபோர்னியா.

குறிப்பு: ஆமாங்க ஊரு விட்டு ஊரு வந்தோம்.

Posted in 2016, Open-Tamil, Uncategorized | Tagged , , | Leave a comment

ஓபன்-தமிழ் உத்தமம் 2016 மாநாடு வெளியீடு

இந்த ஆண்டு எங்கள்  ஓபன்-தமிழ் குழுவின்உ த்தமம் 2016 மாநாடு வெளியீடு இங்கு பார்கலாம்.

இதனை நண்பர் ஸ்ரீனி வழங்கினார் – அவரது பார்வையிலும் இந்த மாநாட்டின்  இங்கு படிக்கலாம்.

Posted in 2016, Open-Tamil, Uncategorized | Leave a comment

மின்னுவதெல்லாம் பொன் – SICP கணினி இயல் நூல்

main-banner

“யாம் பெற்ற இன்பம் பெறுக வையகம்,” என்று சொன்ன பாரதியின் மொழியில் இன்று கணிமை செய்யலாம், செயலாற்றலாம்; இந்த கணினி இயல் பற்றிய ஒரு மாபெரும் நூல் “Structure and Interpretation of Computer Programs,” சுருக்கி (SICP) என்பது. இதனை ஒரு பக்கமாவது வாசியுங்கள் இங்கே. நீங்கள் பயிலும் பொறியாளரானால் முழுவதையும் கூட ஓராண்டில் பயிலுங்கள்.

இந்த lisp போன்ற ஒரு மொழியை தமிழில் நண்பர் இளங்கோ சேரன்  clj-thamil என்றும் தமிழில் இங்கு உருவாக்கியுள்ளார்.

இந்த நூல் இப்போது சீனம், ஜப்பானியம், மற்றும் ருசிய, ஆங்கிலம் போன்ற மொழிகளில் வாசிப்பிற்கு கிடைக்கிறது : விக்கிபீடியாவில் இங்கு. இந்த புத்தகம் மின்னுவதெல்லாம் பொன் அல்ல என்ற கோட்பாட்டிற்கு ஒரு விதிவிலக்கே!

நன்றி

முத்து

Posted in Computing, Tamil | Tagged , , , | Leave a comment

sorting in open-tamil – அல்வா இல்லையா ?

இது எனக்காக எழுதிக்கொள்வது; sorting in ஓபன்-தமிழ்

இன்று தமிழ்பெயர்கள் பட்டியல் ஒன்றை வரிசை படுத்துவது எப்படி என்ற கேள்வி எனக்கு எழுந்தது. நானே ஓபன்-தமிழ் வழியாக இதை ஏற்கனவே இங்கு செய்திருந்தாலும் இது உறிச்ச வாழைப்பழம் போலே இல்லை.

இதோ அல்வா போல உள்ள நிரல் துண்டு. உங்களுக்கும் நெல்லை ஆல்வா புடிக்குமா?

import tamil

words = [ u”நீம்”, u”காகம்”, u”அம்மா”, u”அப்பா”,]
words.sort( tamil.utf8.compare_words_lexicographic )

expected = [ u”அப்பா”, u”அம்மா”, u”காகம்”, u”நீம்” ]
assert( words == expected )

Posted in 2016, Open-Tamil, Uncategorized | Leave a comment

தமிழ் இணையம் மாநாடு (உத்தமம்) 2016

எங்கள் ஓபன்-தமிழ் (open-tamil github) நிரல் திரட்டின் ஆய்வு கட்டுரை. இது இரண்டாவது (2014 அடுத்து) எங்களால் வெளியிடப்பட்ட கட்டுரை.

“powepoint” slides கீழே கனவும்! இதனை எங்கள் குழு நண்பர் திரு. சீனிவாசன் மாநாட்டில் முன்வைத்து செப். 9-ஆம் தேதி பேசினார்.

வாழ்க மின் தமிழ்.

infitt-2016

Posted in 2016, Open-Tamil, Uncategorized | Tagged , , | Leave a comment